Tuesday, May 23, 2017

॥ অথ শ্রী নৃসিংহকবচস্তোত্রম্ ॥

  অথ শ্রী নৃসিংহকবচস্তোত্রম্ ॥

***********************************
নৃসিংহকবচং বক্ষ্যে প্রহ্লাদেনোদিতং পুরা ।
সর্বরক্ষাকরং পুণ্যং সর্বোপদ্রবনাশনম্ ॥ ১॥
সর্ব সম্পত্করং চৈব স্বর্গমোক্ষপ্রদায়কম্ ।
ধ্যাত্বা নৃসিংহংদেবেশংহেমসিংহাসনস্থিতম্ ॥ ২॥
বিবৃতাস্যং ত্রিনয়নং শরদিন্দুসমপ্রভম্ ।
লক্ষ্ম্যালিঙ্গিতবামাঙ্গং বিভূতিভিরুপাশ্রিতম্ ॥ ৩॥ 
চতুর্ভুজং কোমলাঙ্গং স্বর্ণকুণ্ডলশোভিতম্ ।
সরোজশোভিতোরস্কং রত্নকেয়ূরমুদ্রিতম্ ॥৪॥ তপ্তকাঞ্চনসংকাশং পীতনির্মলবাসসম্ ।
ইন্দ্রাদিসুরমৌলিস্থস্ফুরন্মাণিক্যদীপ্তিভিঃ॥॥৫॥
বিরাজিতপদদ্বন্দ্বং শঙ্খচক্রাদি হেতিভিঃ ।
গরুত্মতা চ বিনয়াত্ স্তূয়মানং মুদান্বিতম্ ॥৬॥ স্বহৃত্কমলসংবাসং কৃত্বা তু কবচং পঠেত্ ।
নৃসিংহো মে শিরঃ পাতু লোকরক্ষার্থসম্ভবঃ ॥ ৭॥ সর্বগোঽপি স্তম্ভবাসঃ ফালং মে রক্ষতু ধ্বনিম্ ।
নৃসিংহো মে দৃশৌ পাতু সোমসূর্যাগ্নিলোচনঃ ॥ ৮॥
স্মৃতিং মে পাতু নৃহরির্মুনিবর্যস্তুতিপ্রিয়ঃ ।
নাসং মে সিংহনাসস্তু মুখং লক্ষ্মীমুখপ্রিয়ঃ ॥ ৯॥
সর্ববিদ্যাধিপঃ পাতু নৃসিংহো রসনাং মম ।
বক্ত্রং পাত্বিন্দুবদনং সদা প্রহ্লাদবন্দিতঃ ॥ ১০॥
নৃসিংহঃ পাতু মে কণ্ঠং স্কন্ধৌ ভূভরান্তকৃত্ ।
দিব্যাস্ত্রশোভিতভুজো নৃসিংহঃ পাতু মে ভুজৌ ॥ ১১॥
করৌ মে দেববরদো নৃসিংহঃ পাতু সর্বতঃ ।
হৃদয়ং য়োগিসাধ্যশ্চ নিবাসং পাতু মে হরিঃ ॥ ১২॥
মধ্যং পাতু হিরণ্যাক্ষবক্ষঃকুক্ষিবিদারণঃ ।
নাভিং মে পাতু নৃহরিঃ স্বনাভি ব্রহ্মসংস্তুতঃ ॥ ১৩॥
ব্রহ্মাণ্ডকোটয়ঃ কট্যাং য়স্যাসৌ পাতু মে কটিম্ ।
গুহ্যং মে পাতু গুহ্যানাং মন্ত্রাণাং গুহ্যরূপদৃক্ ॥ ১৪॥
ঊরূ মনোভবঃ পাতু জানুনী নররূপধৃক্ ।
জঙ্ঘে পাতু ধরাভারহর্তা য়োঽসৌ নৃকেসরী ॥ ১৫॥
সুররাজ্যপ্রদঃ পাতু পাদৌ মে নৃহরীশ্বরঃ ।
সহস্রশীর্ষা পুরুষঃ পাতু মে সর্বশস্তনুম্ ॥ ১৬॥
মহোগ্রঃ পূর্বতঃ পাতু মহাবীরাগ্রজোঽগ্নিতঃ ।
মহাবিষ্ণুর্দক্ষিণে তু মহাজ্বালস্তু নৈরৃতৌ ॥ ১৭॥
পশ্চিমে পাতু সর্বেশো দিশি মে সর্বতোমুখঃ ।
নৃসিংহঃ পাতু বায়ব্যাং সৌম্যাং ভূষণবিগ্রহঃ ॥ ১৮॥
ঈশান্যাং পাতু ভদ্রো মে সর্বমঙ্গলদায়কঃ ।
সংসারভয়তঃ পাতু মৃত্যোর্মৃত্যুর্নৃকেসরী ॥ ১৯॥
ইদং নৃসিংহকবচং প্রহ্লাদমুখমণ্ডিতম্ ।
ভক্তিমান্ য়ঃ পঠেন্নিত্যং সর্বপাপৈঃ প্রমুচ্যতে ॥ ২০॥
পুত্রবান্ ধনবান্ লোকে দীর্ঘায়ুরুপজায়তে ।
য়ং য়ং কাময়তে কামং তং তং প্রাপ্নোত্যসংশয়ম্ ॥ ২১॥
সর্বত্র জয়মাপ্নোতি সর্বত্র বিজয়ী ভবেত্ ।
ভূম্যন্তরীক্ষদিব্যানাং গ্রহাণাং বিনিবারণম্ ॥ ২২॥
বৃশ্চিকোরগসম্ভূত বিষাপহরণং পরম্ ।
ব্রহ্মরাক্ষসয়ক্ষাণাং দূরোত্সারণকারণম্ ॥ ২৩॥
ভূর্জে বা তালপাত্রে বা কবচং লিখিতং শুভম্ ।
করমূলে ধৃতং য়েন সিধ্যেয়ুঃ কর্মসিদ্ধয়ঃ ॥ ২৪॥
দেবাসুরমনুষ্যেষু স্বং স্বমেব জয়ং লভেত্ ।
একসন্ধ্যং ত্রিসন্ধ্যং বা য়ঃ পঠেন্নিয়তো নরঃ ॥ ২৫॥
সর্বমঙ্গলমাঙ্গল্যং ভুক্তিং মুক্তিং চ বিন্দতি ।
দ্বাত্রিংশতিসহস্রাণি পঠেত্ শুদ্ধাত্মনাং নৃণাম্ ॥
কবচস্যাস্য মন্ত্রস্য মন্ত্রসিদ্ধিঃ প্রজায়তে ।
অনেন মন্ত্ররাজেন কৃত্বা ভস্মাভিমন্ত্রণম্ ॥ ২৭॥
তিলকং বিন্যসেদ্যস্তু তস্য গ্রহভয়ং হরেত্ ।
ত্রিবারং জপমানস্তু দত্তং বার্যভিমন্ত্র্য চ ॥ ২৮॥
প্রাশয়েদ্যো নরো মন্ত্রং নৃসিংহধ্যানমাচরেত্ ।
তস্য রোগাঃ প্রণশ্যন্তি য়ে চ স্যুঃ কুক্ষিসম্ভবাঃ ॥ ২৯॥
কিমত্র বহুনোক্তেন নৃসিংহসদৃশো ভবেত্ ।
মনসা চিন্তিতং য়ত্তু স তচ্চাপ্নোত্যসংশয়ম্ ॥ ৩০॥
গর্জন্তং গর্জয়ন্তং নিজভুজপটলং স্ফোটয়ন্তং হঠন্তং
রূপ্যন্তং তাপয়ন্তং দিবি ভুবি দিতিজং ক্ষেপয়ন্তং ক্ষিপন্তম্ ।
ক্রন্দন্তং রোষয়ন্তং দিশি দিশি সততং সংহরন্তং ভরন্তং
বীক্ষন্তং ঘূর্ণয়ন্তং শরনিকরশতৈর্দিব্যসিংহং নমামি ॥ ৩১॥
 ইতি শ্রীব্রহ্মাণ্ডপুরাণে প্রহ্লাদোক্তং 
https://www.facebook.com/images/emoji.php/v8/f15/1/16/1f49b.png💛https://www.facebook.com/images/emoji.php/v8/f94/1/16/1f49a.png💚https://www.facebook.com/images/emoji.php/v8/f15/1/16/1f49b.png💛শ্রীনৃসিংহকবচং সম্পূর্ণম্ ॥https://www.facebook.com/images/emoji.php/v8/f15/1/16/1f49b.png💛https://www.facebook.com/images/emoji.php/v8/f94/1/16/1f49a.png💚https://www.facebook.com/images/emoji.php/v8/f15/1/16/1f49b.png💛


॥ নৃসিংহসহস্রনামস্তোত্রম্ ॥

নৃসিংহসহস্রনামস্তোত্রম্ ॥
দিব্যলক্ষ্মীনৃসিংহসহস্রনামস্তোত্রম্
অথ শ্রীনৃসিংহসহস্রনামস্তোত্রম্ ॥
ওঁ নমঃ শ্রীমদ্দিব্যলক্ষ্মীনৃসিংহসহস্রনামস্তোত্রমহামন্ত্রস্য
ব্রহ্মা ঋষিঃ শ্রীলক্ষ্মীনৃসিংহোদেবতা । অনুষ্টুপ্ছন্দঃ
শ্রীনৃসিংহঃপরমাত্মা বীজং লক্ষ্মীর্মায়াশক্তিঃ শ্রীলক্ষ্মীনৃসিংহপ্রসাদসিদ্ধ্যর্থে
শ্রীলক্ষ্মীনৃসিংহসহস্রনামস্তোত্রমন্ত্রজপে বিনিয়োগঃ


অথ ধ্যানম্ -
সত্যজ্ঞানসুখস্বরূপমমলং ক্ষীরাব্ধিমধ্যে স্থিতং
য়োগারূঢমতিপ্রসন্নবদনং ভূষাসহস্রোজ্বলম্ ।
ত্র্যক্ষং চক্রপিনাকস্নাভয়করান্বিভ্রাণমর্কচ্ছবিং
ছত্রীভূতফণীন্দ্রমিন্দুধবলং লক্ষ্মীনৃসিংহং ভজে ॥ ১॥
উপাস্মহে নৃসিংহাখ্যং ব্রহ্ম বেদান্তগোচরম্ ।
ভূয়োলালিতসংসারচ্ছেদহেতুং জগদ্গুরুম্ ॥ ২॥
ব্রহ্মোবাচ -
ওঁ হ্রীং শ্রীং ঐং ক্ষ্রৌং
ব্রহ্মোবাচ -
ওঁ নমো নারসিংহায় বজ্রদংষ্ট্রায় বজ্রিণে ।
বজ্রদেহায় বজ্রায় নমো বজ্রনখায় চ ॥ ১॥
বাসুদেবায় বন্দ্যায় বরদায় বরাত্মনে ।
বরদাভয়হস্তায় বরায় বররূপিণে ॥ ২॥
বরেণ্যায় বরিষ্ঠায় শ্রীবরায় নমো নমঃ ।
প্রহ্লাদবরদায়ৈব প্রত্যক্ষবরদায় চ ॥ ৩॥
পরাত্পরপরেশায় পবিত্রায় পিনাকিনে ।
পাবনায় প্রসন্নায় পাশিনে পাপহারিণে ॥ ৪॥
পুরুষ্টুতায় পুণ্যায় পুরুহূতায় তে নমঃ ।
তত্পুরুষায় তথ্যায় পুরাণপুরুষায় চ ॥ ৫॥
পুরোধসে পূর্বজায় পুষ্করাক্ষায় তে নমঃ ।
পুষ্পহাসায় হাসায় মহাহাসায় শার্ঙ্গিণে ॥ ৬॥
সিংহায় সিংহরাজায় জগদ্বশ্যায় তে নমঃ ।
অট্টহাসায় রোষায় জলবাসায় তে নমঃ ॥ ৭॥
ভূতাবাসায় ভাসায় শ্রীনিবাসায় খড্গিনে ।
খড্গজিহ্বায় সিংহায় খড্গবাসায় তে নমঃ ॥ ৮॥
নমো মূলাধিবাসায় ধর্মবাসায় ধন্বিনে ।
ধনঞ্জয়ায় ধন্যায় নমো মৃত্যুঞ্জয়ায় চ ॥ ৯॥
শুভঞ্জয়ায় সূত্রায় নমঃ শত্রুঞ্জয়ায় চ ।
নিরঞ্জনায় নীরায় নির্গুণায় গুণায় চ ॥ ১০॥
নিষ্প্রপঞ্চায় নির্বাণপ্রদায় নিবিডায় চ ।
নিরালম্বায় নীলায় নিষ্কলায় কলায় চ ॥ ১১॥
নিমেষায় নিবন্ধায় নিমেষগমনায় চ ।
নির্দ্বন্দ্বায় নিরাশায় নিশ্চয়ায় নিরায় চ ॥ ১২॥
নির্মলায় নিবন্ধায় নির্মোহায় নিরাকৃতে ।
নমো নিত্যায় সত্যায় সত্কর্মনিরতায় চ ॥ ১৩॥
সত্যধ্বজায় মুঞ্জায় মুঞ্জকেশায় কেশিনে ।
হরীশায় চ শেষায় গুডাকেশায় বৈ নমঃ ॥ ১৪॥
সুকেশায়োর্ধ্বকেশায় কেশিসংহারকায় চ ।
জলেশায় স্থলেশায় পদ্মেশায়োগ্ররূপিণে ॥ ১৫॥
কুশেশয়ায় কূলায় কেশবায় নমো নমঃ ।
সূক্তিকর্ণায় সূক্তায় রক্তজিহ্বায় রাগিণে ॥ ১৬॥
দীপ্তরূপায় দীপ্তায় প্রদীপ্তায় প্রলোভিনে ।
প্রচ্ছিন্নায় প্রবোধায় প্রভবে বিভবে নমঃ ॥ ১৭॥
প্রভঞ্জনায় পান্থায় প্রমায়াপ্রমিতায় চ ।
প্রকাশায় প্রতাপায় প্রজ্বলায়োজ্বলায় চ ॥ ১৮॥
জ্বালামালাস্বরূপায় জ্বলজ্জিহ্বায় জ্বালিনে ।
মহোজ্জ্বলায় কালায় কালমূর্তিধরায় চ ॥ ১৯॥
কালান্তকায় কল্পায় কলনায় কৃতে নমঃ ।
কালচক্রায় শক্রায় বষট্চক্রায় চক্রিণে ॥ ২০॥
অক্রূরায় কৃতান্তায় বিক্রমায় ক্রমায় চ ।
কৃত্তিনে কৃত্তিবাসায় কৃতঘ্নায় কৃতাত্মনে ॥ ২১॥
সঙ্ক্রমায় চ ক্রুদ্ধায় ক্রান্তলোকত্রয়ায় চ ।
অরূপায় স্বরূপায় হরয়ে পরমাত্মনে ॥ ২২॥
অজয়ায়াদিদেবায় অক্ষয়ায় ক্ষয়ায় চ ।
অঘোরায় সুঘোরায় ঘোরাঘোরতরায় চ ॥ ২৩॥
নমোঽস্ত্বঘোরবীর্যায় লসদ্ঘোরায় তে নমঃ ।
ঘোরাধ্যক্ষায় দক্ষায় দক্ষিণার্যায় শম্ভবে ॥ ২৪॥
অমোঘায় গুণৌঘায় অনঘায়াঘহারিণে ।
মেঘনাদায় নাদায় তুভ্যং মেঘাত্মনে নমঃ ॥ ২৫॥
মেঘবাহনরূপায় মেঘশ্যামায় মালিনে ।
ব্যালয়জ্ঞোপবীতায় ব্যাঘ্রদেহায় বৈ নমঃ ॥ ২৬॥
ব্যাঘ্রপাদায় চ ব্যাঘ্রকর্মিণে ব্যাপকায় চ ।
বিকটাস্যায় বীরায় বিষ্টরশ্রবসে নমঃ ॥ ২৭॥
বিকীর্ণনখদংষ্ট্রায় নখদংষ্ট্রায়ুধায় চ ।
বিশ্বক্সেনায় সেনায় বিহ্বলায় বলায় চ ॥ ২৮॥
বিরূপাক্ষায় বীরায় বিশেষাক্ষায় সাক্ষিণে ।
বীতশোকায় বিস্তীর্ণবদনায় নমো নমঃ ॥ ২৯॥
বিধানায় বিধেয়ায় বিজয়ায় জয়ায় চ ।
বিবুধায় বিভাবায় নমো বিশ্বম্ভরায় চ ॥ ৩০॥
বীতরাগায় বিপ্রায় বিটঙ্কনয়নায় চ ।
বিপুলায় বিনীতায় বিশ্বয়োনে নমো নমঃ ॥ ৩১॥
চিদম্বরায় বিত্তায় বিশ্রুতায় বিয়োনয়ে ।
বিহ্বলায় বিকল্পায় কল্পাতীতায় শিল্পিনে ॥ ৩২॥
কল্পনায় স্বরূপায় ফণিতল্পায় বৈ নমঃ ।
তডিত্প্রভায় তার্যায় তরুণায় তরস্বিনে ॥ ৩৩॥
তপনায় তরক্ষায় তাপত্রয়হরায় চ ।
তারকায় তমোঘ্নায় তত্ত্বায় চ তপস্বিনে ॥ ৩৪॥
তক্ষকায় তনুত্রায় তটিনে তরলায় চ ।
শতরূপায় শান্তায় শতধারায় তে নমঃ ॥ ৩৫॥
শতপত্রায় তার্ক্ষ্যায় স্থিতয়ে শতমূর্তয়ে ।
শতক্রতুস্বরূপায় শাশ্বতায় শতাত্মনে ॥ ৩৬॥
নমঃ সহস্রশিরসে সহস্রবদনায় চ ।
সহস্রাক্ষায় দেবায় দিশশ্রোত্রায় তে নমঃ ॥ ৩৭॥
নমঃ সহস্রজিহ্বায় মহাজিহ্বায় তে নমঃ ।
সহস্রনামধেয়ায় সহস্রাক্ষিধরায় চ ॥ ৩৮॥
সহস্রবাহবে তুভ্যং সহস্রচরণায় চ ।
সহস্রার্কপ্রকাশায় সহস্রায়ুধধারিণে ॥ ৩৯॥
নমঃ স্থূলায় সূক্ষ্মায় সুসূক্ষ্মায় নমো নমঃ ।
সুক্ষুণ্যায় সুভিক্ষায় সুরাধ্যক্ষায় শৌরিণে ॥ ৪০॥
ধর্মাধ্যক্ষায় ধর্মায় লোকাধ্যক্ষায় বৈ নমঃ ।
প্রজাধ্যক্ষায় শিক্ষায় বিপক্ষক্ষয়মূর্তয়ে ॥ ৪১॥
কলাধ্যক্ষায় তীক্ষ্ণায় মূলাধ্যক্ষায় তে নমঃ ।
অধোক্ষজায় মিত্রায় সুমিত্রবরুণায় চ ॥ ৪২॥
শত্রুঘ্নায় অবিঘ্নায় বিঘ্নকোটিহরায় চ ।
রক্ষোঘ্নায় তমোঘ্নায় ভূতঘ্নায় নমো নমঃ ॥ ৪৩॥
ভূতপালায় ভূতায় ভূতবাসায় ভূতিনে ।
ভূতবেতালঘাতায় ভূতাধিপতয়ে নমঃ ॥ ৪৪॥
ভূতগ্রহবিনাশায় ভূতসংয়মতে নমঃ ।
মহাভূতায় ভৃগবে সর্বভূতাত্মনে নমঃ ॥ ৪৫॥
সর্বারিষ্টবিনাশায় সর্বসম্পত্করায় চ ।
সর্বাধারায় সর্বায় সর্বার্তিহরয়ে নমঃ ॥ ৪৬॥
সর্বদুঃখপ্রশান্তায় সর্বসৌভাগ্যদায়িনে ।
সর্বজ্ঞায়াপ্যনন্তায় সর্বশক্তিধরায় চ ॥ ৪৭॥
সর্বৈশ্বর্যপ্রদাত্রে চ সর্বকার্যবিধায়িনে ।
সর্বজ্বরবিনাশায় সর্বরোগাপহারিণে ॥ ৪৮॥
সর্বাভিচারহন্ত্রে চ সর্বৈশ্বর্যবিধায়িনে ।
পিঙ্গাক্ষায়ৈকশৃঙ্গায় দ্বিশৃঙ্গায় মরীচয়ে ॥ ৪৯॥
বহুশৃঙ্গায় লিঙ্গায় মহাশৃঙ্গায় তে নমঃ ।
মাঙ্গল্যায় মনোজ্ঞায় মন্তব্যায় মহাত্মনে ॥ ৫০॥
মহাদেবায় দেবায় মাতুলিঙ্গধরায় চ ।
মহামায়াপ্রসূতায় প্রস্তুতায় চ মায়িনে ॥ ৫১॥
অনন্তানন্তরূপায় মায়িনে জলশায়িনে ।
মহোদরায় মন্দায় মদদায় মদায় চ ॥ ৫২॥
মধুকৈটভহন্ত্রে চ মাধবায় মুরারয়ে ।
মহাবীর্যায় ধৈর্যায় চিত্রবার্যায় তে নমঃ ॥ ৫৩॥
চিত্রকূর্মায় চিত্রায় নমস্তে চিত্রভানবে ।
মায়াতীতায় মায়ায় মহাবীরায় তে নমঃ ॥ ৫৪॥
মহাতেজায় বীজায় তেজোধাম্নে চ বীজিনে ।
তেজোময় নৃসিংহায় নমস্তে চিত্রভানবে ॥ ৫৫॥
মহাদংষ্ট্রায় তুষ্টায় নমঃ পুষ্টিকরায় চ ।
শিপিবিষ্টায় হৃষ্টায় পুষ্টায় পরমেষ্ঠিনে ॥ ৫৬॥
বিশিষ্টায় চ শিষ্টায় গরিষ্ঠায়েষ্টদায়িনে ।
নমো জ্যেষ্ঠায় শ্রেষ্ঠায় তুষ্টায়ামিততেজসে ॥ ৫৭॥
অষ্টাঙ্গন্যস্তরূপায় সর্বদুষ্টান্তকায় চ ।
বৈকুণ্ঠায় বিকুণ্ঠায় কেশিকণ্ঠায় তে নমঃ ॥ ৫৮॥
কণ্ঠীরবায় লুণ্ঠায় নিঃশঠায় হঠায় চ ।
সত্ত্বোদ্রিক্তায় রুদ্রায় ঋগ্যজুস্সামগায় চ ॥ ৫৯॥
ঋতুধ্বজায় বজ্রায় মন্ত্ররাজায় মন্ত্রিণে ।
ত্রিনেত্রায় ত্রিবর্গায় ত্রিধাম্নে চ ত্রিশূলিনে ॥ ৬০॥
ত্রিকালজ্ঞানরূপায় ত্রিদেহায় ত্রিধাত্মনে ।
নমস্ত্রিমূর্তিবিদ্যায় ত্রিতত্ত্বজ্ঞানিনে নমঃ ॥ ৬১॥
অক্ষোভ্যায়ানিরুদ্ধায় অপ্রমেয়ায় ভানবে ।
অমৃতায় অনন্তায় অমিতায়ামিতৌজসে ॥ ৬২॥
অপমৃত্যুবিনাশায় অপস্মারবিঘাতিনে ।
অন্নদায়ান্নরূপায় অন্নায়ান্নভুজে নমঃ ॥ ৬৩॥
নাদ্যায় নিরবদ্যায় বিদ্যায়াদ্ভুতকর্মণে ।
সদ্যোজাতায় সঙ্ঘায় বৈদ্যুতায় নমো নমঃ ॥ ৬৪॥
অধ্বাতীতায় সত্ত্বায় বাগতীতায় বাগ্মিনে ।
বাগীশ্বরায় গোপায় গোহিতায় গবাম্পতে ॥ ৬৫॥
গন্ধর্বায় গভীরায় গর্জিতায়োর্জিতায় চ ।
পর্জন্যায় প্রবুদ্ধায় প্রধানপুরুষায় চ ॥ ৬৬॥
পদ্মাভায় সুনাভায় পদ্মনাভায় মানিনে ।
পদ্মনেত্রায় পদ্মায় পদ্মায়াঃ পতয়ে নমঃ ॥ ৬৭॥
পদ্মোদরায় পূতায় পদ্মকল্পোদ্ভবায় চ ।
নমো হৃত্পদ্মবাসায় ভূপদ্মোদ্ধরণায় চ ॥ ৬৮॥
শব্দব্রহ্মস্বরূপায় ব্রহ্মরূপধরায় চ ।
ব্রহ্মণে ব্রহ্মরূপায় পদ্মনেত্রায় তে নমঃ ॥ ৬৯॥
ব্রহ্মদায় ব্রাহ্মণায় ব্রহ্মব্রহ্মাত্মনে নমঃ ।
সুব্রহ্মণ্যায় দেবায় ব্রহ্মণ্যায় ত্রিবেদিনে ॥ ৭০॥
পরব্রহ্মস্বরূপায় পঞ্চব্রহ্মাত্মনে নমঃ ।
নমস্তে ব্রহ্মশিরসে তদাঽশ্বশিরসে নমঃ ॥ ৭১॥
অথর্বশিরসে নিত্যমশনিপ্রমিতায় চ ।
নমস্তে তীক্ষ্ণদংষ্ট্রায় লোলায় ললিতায় চ ॥ ৭২॥
লাবণ্যায় লবিত্রায় নমস্তে ভাসকায় চ ।
লক্ষণজ্ঞায় লক্ষায় লক্ষণায় নমো নমঃ ॥ ৭৩॥
লসদ্দীপ্তায় লিপ্তায় বিষ্ণবে প্রভবিষ্ণবে ।
বৃষ্ণিমূলায় কৃষ্ণায় শ্রীমহাবিষ্ণবে নমঃ ॥ ৭৪॥
পশ্যামি ত্বাং মহাসিংহং হারিণং বনমালিনম্ ।
কিরীটিনং কুণ্ডলিনং সর্বাঙ্গং সর্বতোমুখম্ ॥ ৭৫॥
সর্বতঃ পাণিপাদোরং সর্বতোঽক্ষি শিরোমুখম্ ।
সর্বেশ্বরং সদাতুষ্টং সমর্থং সমরপ্রিয়ম্ ॥ ৭৬॥
বহুয়োজনবিস্তীর্ণং বহুয়োজনমায়তম্ ।
বহুয়োজনহস্তাঙ্ঘ্রিং বহুয়োজননাসিকম্ ॥ ৭৭॥
মহারূপং মহাবক্ত্রং মহাদংষ্ট্রং মহাভুজম্ ।
মহানাদং মহারৌদ্রং মহাকায়ং মহাবলম্ ॥ ৭৮॥
আনাভের্ব্রহ্মণো রূপমাগলাদ্বৈষ্ণবং তথা ।
আশীর্ষাদ্রন্ধ্রমীশানং তদগ্রে সর্বতঃ শিবম্ ॥ ৭৯॥
নমোঽস্তু নারায়ণ নারসিংহ নমোঽস্তু নারায়ণ বীরসিংহ ।
নমোঽস্তু নারায়ণ ক্রূরসিংহ নমোঽস্তু নারায়ণ দিব্যসিংহ ॥ ৮০॥
নমোঽস্তু নারায়ণ ব্যাঘ্রসিংহ নমোঽস্তু নারায়ণ পুচ্ছসিংহ ।
নমোঽস্তু নারায়ণ পূর্ণসিংহ নমোঽস্তু নারায়ণ রৌদ্রসিংহ ॥ ৮১॥
নমো নমো ভীষণভদ্রসিংহ নমো নমো বিহ্বলনেত্রসিংহ ।
নমো নমো বৃংহিতভূতসিংহ নমো নমো নির্মলচিত্রসিংহ ॥ ৮২॥
নমো নমো নির্জিতকালসিংহ নমো নমঃ কল্পিতকল্পসিংহ ।
নমো নমো কামদকামসিংহ নমো নমস্তে ভুবনৈকসিংহ ॥ ৮৩॥
দ্যাবাপৃথিব্যোরিদমন্তরং হি ব্যাপ্তং ত্বয়ৈকেন দিশশ্চ সর্বাঃ ।
দৃষ্ট্বাদ্ভুতং রূপমুগ্রং তবেদং লোকত্রয়ং প্রব্যথিতং মহাত্মন্ ॥ ৮৪॥
অমী হিত্বা সুরসঙ্ঘা বিশন্তি কেচিদ্ভীতাঃ প্রাঞ্জলয়ো গৃণন্তি ।
স্বস্তীত্যুক্ত্বা মুনয়ঃ সিদ্ধসঙ্ঘাঃ স্তুবন্তি ত্বাং স্তুতিভিঃ পুষ্কলাভিঃ ॥ ৮৫॥
রুদ্রাদিত্যাবসবো য়ে চ সাধ্যা বিশ্বেদেবা মরুতশ্চোষ্মপাশ্চ ।
গন্ধর্বয়ক্ষাসুরসিদ্ধসঙ্ঘা বীক্ষন্তি ত্বাং বিস্মিতাশ্চৈব সর্বে ॥ ৮৬॥
লেলিহ্যসে গ্রসমানঃ সমন্তাল্লোকান্সমগ্রান্বদনৈর্জ্বলদ্ভিঃ ।
তেজোভিরাপূর্য জগত্সমগ্রং ভাসস্তবোগ্রাঃ প্রতপন্তি বিষ্ণো ॥ ৮৭॥
ভবিষ্ণুস্ত্বং সহিষ্ণুস্ত্বং ভ্রজিষ্ণুর্জিষ্ণুরেব চ ।
পৃথিবীমন্তরীক্ষং ত্বং পর্বতারণ্যমেব চ ॥ ৮৮॥
কলাকাষ্ঠা বিলিপ্তস্ত্বং মুহূর্তপ্রহরাদিকম্ ।
অহোরাত্রং ত্রিসন্ধ্যা চ পক্ষমাসর্তুবত্সরাঃ ॥ ৮৯॥
য়ুগাদির্যুগভেদস্ত্বং সংয়ুগো য়ুগসন্ধয়ঃ ।
নিত্যং নৈমিত্তিকং দৈনং মহাপ্রলয়মেব চ ॥ ৯০॥
করণং কারণং কর্তা ভর্তা হর্তা ত্বমীশ্বরঃ ।
সত্কর্তা সত্কৃতির্গোপ্তা সচ্চিদানন্দবিগ্রহঃ ॥ ৯১॥
প্রাণস্ত্বং প্রাণিনাং প্রত্যগাত্মা ত্বং সর্বদেহিনাম্ ।
সুজ্যোতিস্ত্বং পরঞ্জ্যোতিরাত্মজ্যোতিঃ সনাতনঃ ॥ ৯২॥
জ্যোতির্লোকস্বরূপস্ত্বং ত্বং জ্যোতির্জ্যোতিষাং পতিঃ ।
স্বাহাকারঃ স্বধাকারো বষট্কারঃ কৃপাকরঃ ॥ ৯৩॥
হন্তকারো নিরাকারো বেগকারশ্চ শঙ্করঃ ।
অকারাদিহকারান্ত ওঙ্কারো লোককারকঃ ॥ ৯৪॥
একাত্মা ত্বমনেকাত্মা চতুরাত্মা চতুর্ভুজঃ ।
চতুর্মূর্তিশ্চতুর্দংষ্ট্রশ্চতুর্বেদময়োত্তমঃ ॥ ৯৫॥
লোকপ্রিয়ো লোকগুরুর্লোকেশো লোকনায়কঃ ।
লোকসাক্ষী লোকপতির্লোকাত্মা লোকলোচনঃ ॥ ৯৬॥
লোকাধারো বৃহল্লোকো লোকালোকময়ো বিভুঃ ।
লোককর্তা বিশ্বকর্তা কৃতাবর্তঃ কৃতাগমঃ ॥ ৯৭॥
অনাদিস্ত্বমনন্তস্ত্বমভূতোভূতবিগ্রহঃ ।
স্তুতিঃ স্তুত্যঃ স্তবপ্রীতঃ স্তোতা নেতা নিয়ামকঃ ॥ ৯৮॥
ত্বং গতিস্ত্বং মতির্মহ্যং পিতা মাতা গুরুঃ সখা ।
সুহৃদশ্চাত্মরূপস্ত্বং ত্বাং বিনা নাস্তি মে গতিঃ ॥ ৯৯॥
নমস্তে মন্ত্ররূপায় অস্ত্ররূপায় তে নমঃ ।
বহুরূপায় রূপায় পঞ্চরূপধরায় চ ॥ ১০০॥
ভদ্ররূপায় রূঢায় য়োগরূপায় য়োগিনে ।
সমরূপায় য়োগায় য়োগপীঠস্থিতায় চ ॥ ১০১॥
য়োগগম্যায় সৌম্যায় ধ্যানগম্যায় ধ্যায়িনে ।
ধ্যেয়গম্যায় ধাম্নে চ ধামাধিপতয়ে নমঃ ॥ ১০২॥
ধরাধরায় ধর্মায় ধারণাভিরতায় চ ।
নমো ধাত্রে চ সন্ধাত্রে বিধাত্রে চ ধরায় চ ॥ ১০৩॥
দামোদরায় দান্তায় দানবান্তকরায় চ ।
নমঃ সংসারবৈদ্যায় ভেষজায় নমো নমঃ ॥ ১০৪॥
সীরধ্বজায় শীতায় বাতায়াপ্রমিতায় চ ।
সারস্বতায় সংসারনাশনায়াক্ষ মালিনে ॥ ১০৫॥
অসিধর্মধরায়ৈব ষট্কর্মনিরতায় চ ।
বিকর্মায় সুকর্মায় পরকর্মবিধায়িনে ॥ ১০৬॥
সুশর্মণে মন্মথায় নমো বর্মায় বর্মিণে ।
করিচর্মবসানায় করালবদনায় চ ॥ ১০৭॥
কবয়ে পদ্মগর্ভায় ভূতগর্ভঘৃণানিধে ।
ব্রহ্মগর্ভায় গর্ভায় বৃহদ্গর্ভায় ধূর্জটে ॥ ১০৮॥
নমস্তে বিশ্বগর্ভায় শ্রীগর্ভায় জিতারয়ে ।
নমো হিরণ্যগর্ভায় হিরণ্যকবচায় চ ॥ ১০৯॥
হিরণ্যবর্ণদেহায় হিরণ্যাক্ষবিনাশিনে ।
হিরণ্যকশিপোর্হন্ত্রে হিরণ্যনয়নায় চ ॥ ১১০॥
হিরণ্যরেতসে তুভ্যং হিরণ্যবদনায় চ ।
নমো হিরণ্যশৃঙ্গায় নিঃশৃঙ্গায় শৃঙ্গিণে ॥ ১১১॥
ভৈরবায় সুকেশায় ভীষণায়ান্ত্রিমালিনে ।
চণ্ডায় রুণ্ডমালায় নমো দণ্ডধরায় চ ॥ ১১২॥
অখণ্ডতত্ত্বরূপায় কমণ্ডলুধরায় চ ।
নমস্তে খণ্ডসিংহায় সত্যসিংহায় তে নমঃ ॥ ১১৩॥
নমস্তে শ্বেতসিংহায় পীতসিংহায় তে নমঃ ।
নীলসিংহায় নীলায় রক্তসিংহায় তে নমঃ ॥ ১১৪॥
নমো হারিদ্রসিংহায় ধূম্রসিংহায় তে নমঃ ।
মূলসিংহায় মূলায় বৃহত্সিংহায় তে নমঃ ॥ ১১৫॥
পাতালস্থিতসিংহায় নমঃ পর্বতবাসিনে ।
নমো জলস্থসিংহায় অন্তরিক্ষস্থিতায় চ ॥ ১১৬॥
কালাগ্নিরুদ্রসিংহায় চণ্ডসিংহায় তে নমঃ ।
অনন্তসিংহসিংহায় অনন্তগতয়ে নমঃ ॥ ১১৭॥
নমো বিচিত্রসিংহায় বহুসিংহস্বরূপিণে ।
অভয়ঙ্করসিংহায় নরসিংহায় তে নমঃ ॥ ১১৮॥
নমোঽস্তু সিংহরাজায় নারসিংহায় তে নমঃ ।
সপ্তাব্ধিমেখলায়ৈব সত্যসত্যস্বরূপিণে ॥ ১১৯॥
সপ্তলোকান্তরস্থায় সপ্তস্বরময়ায় চ ।
সপ্তার্চীরূপদংষ্ট্রায় সপ্তাশ্বরথরূপিণে ॥ ১২০॥
সপ্তবায়ুস্বরূপায় সপ্তচ্ছন্দোময়ায় চ ।
স্বচ্ছায় স্বচ্ছরূপায় স্বচ্ছন্দায় চ তে নমঃ ॥ ১২১॥
শ্রীবত্সায় সুবেধায় শ্রুতয়ে শ্রুতিমূর্তয়ে ।
শুচিশ্রবায় শূরায় সুপ্রভায় সুধন্বিনে ॥ ১২২॥
শুভ্রায় সুরনাথায় সুপ্রভায় শুভায় চ ।
সুদর্শনায় সূক্ষ্মায় নিরুক্তায় নমো নমঃ ॥ ১২৩॥
সুপ্রভায় স্বভাবায় ভবায় বিভবায় চ ।
সুশাখায় বিশাখায় সুমুখায় মুখায় চ ॥ ১২৪॥
সুনখায় সুদংষ্ট্রায় সুরথায় সুধায় চ ।
সাঙ্খ্যায় সুরমুখ্যায় প্রখ্যাতায় প্রভায় চ ॥ ১২৫॥
নমঃ খট্বাঙ্গহস্তায় খেটমুদ্গরপাণয়ে ।
খগেন্দ্রায় মৃগেন্দ্রায় নাগেন্দ্রায় দৃঢায় চ ॥ ১২৬॥
নাগকেয়ূরহারায় নাগেন্দ্রায়াঘমর্দিনে ।
নদীবাসায় নগ্নায় নানারূপধরায় চ ॥ ১২৭॥
নাগেশ্বরায় নাগায় নমিতায় নরায় চ ।
নাগান্তকরথায়ৈব নরনারায়ণায় চ ॥ ১২৮॥
নমো মত্স্যস্বরূপায় কচ্ছপায় নমো নমঃ ।
নমো য়জ্ঞবরাহায় নরসিংহায় নমো নমঃ ॥ ১২৯॥
বিক্রমাক্রান্তলোকায় বামনায় মহৌজসে ।
নমো ভার্গবরামায় রাবণান্তকরায় চ ॥ ১৩০॥
নমস্তে বলরামায় কংসপ্রধ্বংসকারিণে ।
বুদ্ধায় বুদ্ধরূপায় তীক্ষ্ণরূপায় কল্কিনে ॥ ১৩১॥
আত্রেয়ায়াগ্নিনেত্রায় কপিলায় দ্বিজায় চ ।
ক্ষেত্রায় পশুপালায় পশুবক্ত্রায় তে নমঃ ॥ ১৩২॥
গৃহস্থায় বনস্থায় য়তয়ে ব্রহ্মচারিণে ।
স্বর্গাপবর্গদাত্রে চ তদ্ভোক্ত্রে চ মুমুক্ষবে ॥ ১৩৩॥
শালগ্রামনিবাসায় ক্ষীরাব্ধিশয়নায় চ ।
শ্রীশৈলাদ্রিনিবাসায় শিলাবাসায় তে নমঃ ॥ ১৩৪॥
য়োগিহৃত্পদ্মবাসায় মহাহাসায় তে নমঃ ।
গুহাবাসায় গুহ্যায় গুপ্তায় গুরবে নমঃ ॥ ১৩৫॥
নমো মূলাধিবাসায় নীলবস্ত্রধরায় চ ।
পীতবস্ত্রায় শস্ত্রায় রক্তবস্ত্রধরায় চ ॥ ১৩৬॥
রক্তমালাবিভূষায় রক্তগন্ধানুলেপিনে ।
ধুরন্ধরায় ধূর্তায় দুর্ধরায় ধরায় চ ॥ ১৩৭॥
দুর্মদায় দুরন্তায় দুর্ধরায় নমো নমঃ ।
দুর্নিরীক্ষ্যায় নিষ্ঠায় দুর্দর্শায় দ্রুমায় চ ॥ ১৩৮॥
দুর্ভেদায় দুরাশায় দুর্লভায় নমো নমঃ ।
দৃপ্তায় দৃপ্তবক্ত্রায় অদৃপ্তনয়নায় চ ॥ ১৩৯॥
উন্মত্তায় প্রমত্তায় নমো দৈত্যারয়ে নমঃ ।
রসজ্ঞায় রসেশায় অরক্তরসনায় চ ॥ ১৪০॥
পথ্যায় পরিতোষায় রথ্যায় রসিকায় চ ।
ঊর্ধ্বকেশোর্ধ্বরূপায় নমস্তে চোর্ধ্বরেতসে ॥ ১৪১॥
ঊর্ধ্বসিংহায় সিংহায় নমস্তে চোর্ধ্ববাহবে ।
পরপ্রধ্বংসকায়ৈব শঙ্খচক্রধরায় চ ॥ ১৪২॥
গদাপদ্মধরায়ৈব পঞ্চবাণধরায় চ ।
কামেশ্বরায় কামায় কামপালায় কামিনে ॥ ১৪৩॥
নমঃ কামবিহারায় কামরূপধরায় চ ।
সোমসূর্যাগ্নিনেত্রায় সোমপায় নমো নমঃ ॥ ১৪৪॥
নমঃ সোমায় বামায় বামদেবায় তে নমঃ ।
সামস্বনায় সৌম্যায় ভক্তিগম্যায় বৈ নমঃ ॥ ১৪৫॥
কূষ্মাণ্ডগণনাথায় সর্বশ্রেয়স্করায় চ ।
ভীষ্মায় ভীষদায়ৈব ভীমবিক্রমণায় চ ॥ ১৪৬॥
মৃগগ্রীবায় জীবায় জিতায়াজিতকারিণে ।
জটিনে জামদগ্নায় নমস্তে জাতবেদসে ॥ ১৪৭॥
জপাকুসুমবর্ণায় জপ্যায় জপিতায় চ ।
জরায়ুজায়াণ্ডজায় স্বেদজায়োদ্ভিজায় চ ॥ ১৪৮॥
জনার্দনায় রামায় জাহ্নবীজনকায় চ ।
জরাজন্মাদিদূরায় প্রদ্যুম্নায় প্রমোদিনে ॥ ১৪৯॥
জিহ্বারৌদ্রায় রুদ্রায় বীরভদ্রায় তে নমঃ ।
চিদ্রূপায় সমুদ্রায় কদ্রুদ্রায় প্রচেতসে ॥ ১৫০॥
ইন্দ্রিয়ায়েন্দ্রিয়জ্ঞায় নমোঽস্ত্বিন্দ্রানুজায় চ ।
অতীন্দ্রিয়ায় সারায় ইন্দিরাপতয়ে নমঃ ॥ ১৫১॥
ঈশানায় চ ঈড্যায় ঈশিতায় ইনায় চ ।
ব্যোমাত্মনে চ ব্যোম্নে চ নমস্তে ব্যোমকেশিনে ॥ ১৫২॥
ব্যোমাধারায় চ ব্যোমবক্ত্রায়াসুরঘাতিনে ।
নমস্তে ব্যোমদংষ্ট্রায় ব্যোমবাসায় তে নমঃ ॥ ১৫৩॥
সুকুমারায় রামায় শিশুচারায় তে নমঃ ।
বিশ্বায় বিশ্বরূপায় নমো বিশ্বাত্মকায় চ ॥ ১৫৪॥
জ্ঞানাত্মকায় জ্ঞানায় বিশ্বেশায় পরাত্মনে ।
একাত্মনে নমস্তুভ্যং নমস্তে দ্বাদশাত্মনে ॥ ১৫৫॥
চতুর্বিংশতিরূপায় পঞ্চবিংশতিমূর্তয়ে ।
ষড্বিংশকাত্মনে নিত্যং সপ্তবিংশতিকাত্মনে ॥ ১৫৬॥
ধর্মার্থকামমোক্ষায় বিরক্তায় নমো নমঃ ।
ভাবশুদ্ধায় সিদ্ধায় সাধ্যায় শরভায় চ ॥ ১৫৭॥
প্রবোধায় সুবোধায় নমো বুধিপ্রিয়ায় চ ।
স্নিগ্ধায় চ বিদগ্ধায় মুগ্ধায় মুনয়ে নমঃ ॥ ১৫৮॥
প্রিয়ংবদায় শ্রব্যায় স্রুক্স্রুবায় শ্রিতায় চ ।
গৃহেশায় মহেশায় ব্রহ্মেশায় নমো নমঃ ॥ ১৫৯॥
শ্রীধরায় সুতীর্থায় হয়গ্রীবায় তে নমঃ ।
উগ্রায় উগ্রবেগায় উগ্রকর্মরতায় চ ॥ ১৬০॥
উগ্রনেত্রায় ব্যগ্রায় সমগ্রগুণশালিনে ।
বালগ্রহবিনাশায় পিশাচগ্রহঘাতিনে ॥ ১৬১॥
দুষ্টগ্রহনিহন্ত্রে চ নিগ্রহানুগ্রহায় চ ।
বৃষধ্বজায় বৃষ্ণ্যায় বৃষায় বৃষভায় চ ॥ ১৬২॥
উগ্রশ্রবায় শান্তায় নমঃ শ্রুতিধরায় চ ।
নমস্তে দেবদেবেশ নমস্তে মধুসূদন ॥ ১৬৩॥
নমস্তে পুণ্ডরীকাক্ষ নমস্তে দুরিতক্ষয় ।
নমস্তে করুণাসিন্ধো নমস্তে সমিতিঞ্জয় ॥ ১৬৪॥
নমস্তে নরসিংহায় নমস্তে গরুডধ্বজ ।
য়জ্ঞনেত্র নমস্তেঽস্তু কালধ্বজ জয়ধ্বজ ॥ ১৬৫॥
অগ্নিনেত্র নমস্তেঽস্তু নমস্তে হ্যমরপ্রিয় ।
মহানেত্র নমস্তেঽস্তু নমস্তে ভক্তবত্সল ॥ ১৬৬॥
ধর্মনেত্র নমস্তেঽস্তু নমস্তে করুণাকর ।
পুণ্যনেত্র নমস্তেঽস্তু নমস্তেঽভীষ্টদায়ক ॥ ১৬৭॥
নমো নমস্তে দয়াসিংহরূপ নমো নমস্তে নরসিংহরূপ ।
নমো নমস্তে রণসিংহরূপ নমো নমস্তে নরসিংহরূপ ॥ ১৬৮॥
উদ্ধৃত্য গর্বিতং দৈত্যং নিহত্যাজৌ সুরদ্বিষম্ ।
দেবকার্যং মহত্কৃত্বা গর্জসে স্বাত্মতেজসা ॥ ১৬৯॥
অতিরুদ্রমিদং রূপং দুস্সহং দুরতিক্রমম্ ।
দৃষ্ট্বা তু শঙ্কিতাঃ সর্বাদেবতাস্ত্বামুপাগতাঃ ॥ ১৭০॥
এতান্পশ্য মহেশানং ব্রহ্মাণং মাং শচীপতিম্ ।
দিক্পালান্ দ্বাদশাদিত্যান্ রুদ্রানুরগরাক্ষসান্ ॥ ১৭১॥
সর্বান্ ঋষিগণান্সপ্তমাতৃগৌরীং সরস্বতীম্ ।
লক্ষ্মীং নদীশ্চ তীর্থানি রতিং ভূতগাণান্যপি ॥ ১৭২॥
প্রসীদ ত্বং মহাসিংহ উগ্রভাবমিমং ত্যজ ।
প্রকৃতিস্থো ভব ত্বং হি শান্তিভাবং চ ধারয় ॥ ১৭৩॥
ইত্যুক্ত্বা দণ্ডবদ্ভূমৌ পপাত স পিতামহঃ ।
প্রসীদ ত্বং প্রসীদ ত্বং প্রসীদেতি পুনঃ পুনঃ ॥ ১৭৪॥